کابل، افغانستان – د منځنۍ اسیا او افغانستان د لومړۍ مشورتي غونډې پیل
د افغانستان اسلامي امارت د بهرنیو چارو وزارت په کوربتوب، د افغانستان او منځنۍ اسیا ترمنځ لومړۍ مشورتي غونډه د هېواد په پلازمېنه کابل کې پیل شوه.
په دې غونډه کې د افغانستان تر څنګ د ازبکستان، ترکمنستان، تاجکستان، قرغزستان او قزاقستان د بهرنیو چارو وزارتونو استازي ګډون لري.
د دې غونډې موخه د سیمې د هېوادونو ترمنځ د ګډو سیاسي، اقتصادي، کلتوري او ټولنیزو اړیکو لا پیاوړتیا او د متقابلې همکارۍ د پراختیا په اړه د نظرونو تبادله ده.
