ويب ډیسک
د طالبانو د لومړي وزیر مرستیال ملا عبدالغني برادر د امریکا لخوا د افغاني شتمنو د بندولو په اړه د نړۍ د هېوادونو پر چوپتیا نیوکه کړې.
د طالبانو د لومړي وزیر مرستیال نن سه شنبه د ډسمبر ۱۴مه رسنیو ته ویلي چې د امریکا له لوري کنګل شوي ذخایر د افغان ولس پیسې دي او باید خوشې شي.
دا په داسې حال کې یې ویلی چې د سپینې ماڼۍ ویانده وویل چې د افغانستان مرکزي بانک د ذخایرو د خوشې کولو لپاره هیڅ پلان نه لري، هغه ویلي چې د دې ذخایر د بې برخې پاتې کېدو لاملونه ډېر دي.