کابل او کندهار کې دوه بیلا بیلې پیښې دوه تنه وژل شوي

ویب ډیسک
ناڅرګندو وسله والو د کابل ښار پنځمې امنیتي حوزې اړوند سیمه کې یو تن وژلی او یوبل ټپي دی.
د کابل امنیه قومانداني وایي، تیره شپه د پنځمې امنیتي حوزې اړوند، کمپنۍ سیمه کې یو تن د ناڅرګندو وسله والو لخوا وژل شوی دی،خو د دې قتل په تور یو کس نیول شوی.
چارواکي وایي، په همدې سیمه کې یوبل کس د وسله والو په ډزو ټپي شوی دی.
بل لور ته د کندهار
په ښار کي د چاودني له امله یو تن وژل شوی دی.
چارواکي وایی، نن سهار د کندهار ښار نهمې امنیتي حوزې اړوند سیمه کې د برېښنایي تذکرو د وېش مرکز مخې ته د ماین چاودنه شوې،چې له امله یې یو تن وژل شوی دی.
مسوولان وایي،وژل شوی کس د برېښنایي تذکرو د وېش د مرکز ساتونکی و.