پاکستان د ایران سره د سوداګرۍ د اسانتیا لپاره یوه لویه پریکړه کړې ده چې د پاکستان له لاری د دریم هیواد لپاره د ایران سره سوداګرۍ ته اجازه ورکوي.
د پاکستان د سوداګرۍ وزارت د پاکستان له لارې د توکو د لیږد امر ۲۰۲۶کال خبرتیا هم خپره کړې ده. د خبرتیا له مخې، فدرالي حکومت د ۱۰۵۰ کال د وارداتو او صادراتو کنټرول قانون تعدیل کړی دی، دا امر به سمدلاسه نافذ شي.
په خبرتیا کې ویل شوي چې دا حکم به د هغو ټرانزیټي توکو په لیږد باندې پلي شي چې له دریم هیواد څخه تیریږي، ټرانزیټي توکي به د پاکستان له لارې په ایران کې هر ځای ته لیږدول کیږي. د خبرتیا له مخې، د پاکستان څخه د توکو د لیږد لپاره لارې هم ټاکل شوي دي، چې پکې د ګوادر، پورټ قاسم، لیاري، او مارا، پسني او ګبر لارې شاملې دي.
په خبرتیا کې ویل شوي چې د کراچۍ پورټ قاسم، خضدار، دالبندین، تفتان، ګوادر او تربت لارې د امر برخه دي، پداسې حال کې چې د هوشاب، پنجګور، ناګ، بسیمه، خضدار، کوټه لک پاس او نوکنډي لارې هم په امر کې شاملې دي. د خبرتیا له مخې، د توکو لیږد به د ګمرک قانون ۱۹۶۹ لاندې جوړ شوي قوانینو او د «FBR» لخوا ټاکل شوي طرزالعملونو سره سم وي.
