د پاکستان ډان ورځپاڼې خبر له مخې، د خیبر پښتونخوا د کرم ولسوالۍ د پاراچنار هوايي ډګر د فرنټیر ورکس آرګنائزیشن (FWO) او د پاکستان د هوايي ډګرونو د ادارې (PAA) په هڅو سره د اوږدې مودې لپاره غیر فعال پاتې کیدو وروسته بیا فعال شوي.
د پاکستان د هوايي ډګر بیارغونه او ترمیم په سیمه کې د هوايي ترانسپورت د بیا رغونې په لور یو مهم ګام بلل کېږي.
د اپریل په ۲۶مه، د پاکستان د پوځ هوايي چلند په پاراچنار هوايي ډګر کې د ساختماني او لوړولو د کار کیفیت، او همدارنګه د ځغاستې میدان «رن وے» فعالیت او په ټولیز ډول د عملیاتي چمتووالي ارزولو لپاره ازموینې ترسره کړې.
ډان ورځپاڼې ويلي، د پاکستان د پوځ هوايي چلند شپږ بریالي د کښته کیدو او الوتنې آزموینې بشپړې کړې، چې وروسته د هوايي ډګر «رن وے» د مسلکي معیارونو او خوندیتوب پروتوکولونو سره سم اعلان شوه.
د دې آزموینو له بریالیتوب وروسته، تمه کیږي چې د پاراچنار هوایی ډګر عملیاتي ظرفیت نور هم پیاوړی شي، چې د سیمې اتصال، بیړني غبرګون او په سیمه کې اقتصادي فعالیت به د پام وړ لوړ کړي.
تیر کال، د «PAA» او پاکستان نړیوال هوایی شرکت (PIA) چارواکو د سوداګریزو او بشري الوتنو لپاره د دې عملیاتي امکاناتو ارزولو لپاره د پاراچنار هوایی ډګر څخه لیدنه وکړه.
د پاکستان حکومت د «PAA» او «PIA» افسرانو یوه اته کسیزه کمیټه هم جوړه کړه ترڅو د هوایی ډګر زیربنا او د بیا پرانستلو امکانات و ارزوي.
د کمیټې غړو د هوایی ډګر زیربنا جامع تفتیش ترسره کړ، پشمول د ټرمینل ودانۍ، رن ویز، د اور وژنې ګراجونه، استوګنځای، جنراتور خونه، او نور عملیاتي اسانتیاوې.
