ویب ډیسک
د تورخم دروازه چې پرون د افغان کډوالو پر مخ پرانیستل شوې وه، نن شپه شاوخوا ۱۲ بجې یو ځل بیا دغه دروازه د هر ډول تګ راتګ پر مخ وتړل شوه.
د ننګرهار د اطلاعاتو او کلتور ریاست د اطلاعاتو امر، قریشي بدلون تایید کړه چې پاکستاني لوري یو ځل بیا د تورخم دروازه تړلې ده.
د سیمې اوسېدونکي وایي چې لږه شېبه وړاندې د دواړو لورو ترمنځ ډزې وشوی، چې ورسره يې لاره هم وتړله.
دغه لار يواځې تېره ورځ د هغو افغان کډوالو لپاره پرانیستل شوې وه چې له پاکستانه خپل هېواد ته راستنېدل، خو دغه بهیر یو ځل بیا له خنډ سره مخ شو.
# | #Torkham | #AfghanRefugees | #Nangarhar
