ویب ډیسک
د طالبانو وياند ذبيح الله مجاهد د اګيست په ۲۴مه نېټه په يوه خبري ناسته کې وويل، چې د کابل هوايي ډګر لا هم د امريکايي ځواکونو تر کنټرول لاندې دی، امريکا بايد د روانې مياشتې تر ۳۱مې نېټې پورې ټول پوځونه او پرسونل له افغانستانه وباسي.
نوموړي زياته کړه چې دوی د افغانانو وتل نه غواړي، امريکا بايد له دغه هېواده د افغانانو وتل و نه هڅوي.
د امريکا ولسمشر جوبايډن د اګيست په ۲۴مه نېټه وويل چې امريکا هم همدا موخه لري چې د روانې مياشتې تر ۳۱مې نېټې پورې ټول ځواکونه له افغانستانه وباسي. هغه له اړوندو ارګانونو څخه هم غوښتنه وکړه چې د دې لپاره بېړنۍ لايحه وټاکي.
