ویب ډیسک
د ځایي چارواکو په وینا، په قلعه سیف الله کې اورلګیدنه له ۲۴ ساعتونو وروسته کنټرول شوه، خو اورلګیدنې د صنوبر ځنګل ته سخت زیان رسولی دی چې له ۱۷۰۰ جریبه څخه زیاته ساحه کې خپور شوی دی.
د قلعه سیف الله د مرستیال والي سعید احمد دمړ په وینا، د یکشنبې په ماښام د قلعه سیف الله د سپین غر په سیمه کې د ګوګ غره په سر کې ناڅاپه اور ولګېد، چې په چټکۍ سره څو کیلومتره پراخ شو.
هغه وويل چې د ځنګلاتو ادارې، ليويز چارواکو او ځايي خلکو د اور د کنټرول لپاره هڅې پيل کړې، خو د لوړې ارتفاع او تيزو بادونو له امله له ستونزو سره مخ شول.
هغه وويل چې وروسته، د پاکستان ژغورنې ادارې، «PDMA» ټيمونه د اور وژنې تجهیزاتو سره له کوټې څخه وغوښتل شول.
هغه وويل چې د ځنګلاتو د ادارې، پي ډي ايم اې، ليويز او ځايي خلکو د نه ستړې کېدونکو او ګډو هڅو وروسته، اور ۲۴ ساعته وروسته کنټرول شو.
د مرستیال والي په وینا، په لومړي سر کې د ۱۷۳۹ جریبه ارزښتناکه نباتاتو ساحه د ورکیدو راپور ورکړل شوی، چې ډیری یې د صنوبر ځنګلونه او واښه لرونکي ځمکې دي.
د هغه په وینا، بشپړ چاپیریالي او اقتصادي زیان به وروسته اټکل شي.
په ورته وخت کې، د بلوچستان په زیارت ولسوالۍ کې د صنوبر په ځنګلونو کې هم اور لګېدلی دی.
