نسکوره شوې الوتکه دعلي پور د جنګیالیو له لوري وېشتل شوې ده.

ویب ډیسک
کابل : ملي دفاع وزارت وایي،په وردګو ولایت کې د افغان ځواکونو نسکوره شوې الوتکه دعلي پور د جنګیالیو له لوري وېشتل شوې ده.
د ملي دفاع وزارت ویاند وایي،هغه اسناد او شواهد چې دوی ترلاسه کړي، ښيي چې دغه هلیکوپتره دغیر مسوولو وسله والو د قوماندان؛علي پور د وسله والو له لوري رانسکوره شوې ده.
ملي دفاع وزارت ویلي،افغان ځواکونه د خپلو وژل شویو سرتیرو غچ اخلي او د پېښې عاملان به د قانون منګلو ته وسپارل شي.