ويب ډيسک
د افغانستان وروستی یهود وګړی زابلون سیمینتوف له ترکیې څخه اسرائیلو ته د ژوند کولو لپاره رسېدلی دی.
یورشلم پوسټ رسنۍ وایي نوموړی په ناڅاپي ډول اسرائیل ته تللی او هلته د مېشت د کورنۍ غړو ته یې هم خبر نه و ورکړی.
د راپور له مخې، سیمینتوف په دري ژبه روانې خبرې کولای شي، خو په عبراني لږ پوهېږي چې له امله یې ښايي اسرائیل کې د نوي ژوند په لومړیو کې ستونزو سره مخ شي.
د یادونې وړ ده چې هغه هیواد ته سیمینتوف په رسولو کې یوې اسرائیلي ادارې مرسته کړې او وایي چې ۳ کاله وړاندې یې هغه په خوندي ډول له افغانستان نه ترکیه ته وړی و.
نوموړی ویلي پلان لري چې د یهودو مقدس ځای براق دیوال ته هم د زیارت لپاره لاړ شي.
