ويب ډیسک
د روسیه د بهرنیو چارو وزیر سرګی لاروف وایي، د ت.البانو له لوري ځينې شرطونه نه دي پوره شوي او ترڅو چې دا شرطونه پوره نه شي، مسکو د ت.البانو په رسمیت پېژندل نه شي ارزولی.
د ت.البانو له لوري قومي او سیاسي متوازن حکومت، ترهګرۍ او د مخدره موادو قاچاق سره مبارزه او د ټولو افغانانو او خصوصاً د تاجکو د لومړنیو حقونو تضمین هغه شرایط دي چې لاروف یې یادونه کړې ده.
لاروف ویلي، ت.البان اوس د افغانستان د داخلي سیاست حاکم قوت دی او په وینا یې روسیه دې نتیجې ته رسېدلې چې باید تعامل ورسره وشي.
روسیه چې له وړاندې یې د ت.البانو په اړه ښه نظر درلود، د دې ډلې د نږدې دوه کاله واکمنۍ وروسته یې لا هم د دوی حکومت په رسمیت نه دی پېژندلی، خو د ګوتو په شمېر هېوادونو کې ؤ چې د جمهوري نظام له سقوط وروسته یې کابل کې خپل سفارت پرانیستی وساته.
#Russia #Afghanistan
