ویب ډیسک
د پاکستان تحریک انصاف بنسټګر عمران خان د پوځ مشر جنرال سید عاصم منیر ته لیک استولی، چې پکې یې د پاکستان د استخباراتو پر پالیسیو نیوکه کړې او ویلي یې دي چې دا تګلاره د پوځ او ولس ترمنځ واټن زیاتوي.
د عمران خان وکیل فیصل چودري ویلي، چې دا لیک شپږ مهم ټکي لري، چې پکې د پوځ او ولس ترمنځ د بې باورۍ زیاتېدل، د ۲۰۲۴ ټاکنو د شفافیت نشتون، د استخباراتي ادارو قانوني محدودیتونه او د هېواد اقتصادي وضعیت شامل دي.
عمران خان له پوځ مشر غوښتي، چې د استخباراتي اداري پالیسۍ بیا وڅېړي او بدلون پکې راولي.
