راپور: داود جبارخیل
ځایي سرچینې وایي، د تخار ولایت په مرکز تالقان ښار کې د یوه پېژندل شوي صراف حاجي احسان ورور، نقیب الله، د نامعلومه وسلهوالو په برید کې وژل شوی دی.
د راپورونو له مخې، پېښه پرون ماښام د تالقان ښار د «بهترین عالم» جومات ته نږدې رامنځته شوې، چې په ترڅ کې یې نقیب الله د وسلهوالو تر برید لاندې راغلی او خپل ژوند یې له لاسه ورکړی دی.
سرچینې وایي، بریدګر له پېښې وروسته له سیمې تښتېدلي دي. د برید د انګېزې او څرنګوالي په اړه تر اوسه کره معلومات نه دي خپاره شوي.
تر اوسه سیمهییزو چارواکو د دې پېښې په اړه رسمي جزئیات نه دي وړاندې کړي او نه هم کومې ډلې د برید مسؤلیت منلی دی.
امنیتي ادارو د پېښې د عاملینو د پېژندلو او نیولو لپاره د پلټنو د پیل خبر ورکړی، خو د پلټنو پایلې لا نه دي اعلان شوې.
